Ֆրանսիայի Սենատի Հայաստան-Ֆրանսիա բարեկամական խումբը աջակցում է Ֆրանկոֆոնիայի զարգացմանը Հայաստանում

14 մարտի, 2013

Մարտի 14-ին Ֆրանսիայի Սենատում տեղի ունեցավ ՀՀ Արտաքին գործերի նախարարի` Ֆրանկոֆոնիայի հարցերով խորհրդական դեսպան Քրիստիան Տեր Ստեփանյանի հանդիպումը Ֆրանսիայի Սենատի Հայաստան-Ֆրանսիա բարեկամական խմբի նախագահ Ֆիլիպ Կալտենբախի հետ, որին ներկա էին նաեւ բարեկամական խմբի մի շարք անդամներ, ինչպես նաեւ Փարիզում ՀՀ դեսպանության ներկայացուցչիը։

ՀՀ Արտաքին գործերի նախարարի խորհրդականը հանգամանալից կերպով ներկայացրեց 2012թ. հոկտեմբերից Ֆրանկոֆոնիայի միջազգային կազմակերպությանը Հայաստանի լիիրավ անդամակցությունից ի վեր Հայաստանում իրականացված քայլերը` ուղղված ֆրանկոֆոն միջավայրի և ֆրանսերենի խրախուսմանն ու զարգացմանը: Նա ընդգծեց, որ վերջին տարիներին հաստատված ավանդույթի համաձայն, 2013թ. եւս Հայաստանն առաջնային տեղն է գրավում Ֆրանկոֆոնիայի երկրների շարքում` Ֆրակոֆոնիայի միամսյակի շրջանակներում անցկացվող 350 միջոցառումներով:

Ողջունելով ֆրանկոֆոնիայի զարգացմանն ուղղությամբ Հայաստանի հետեւողական քաղաքականությունը, Հայաստան-Ֆրանսիա բարեկամական խմբի նախագահը եւ խմբի անդամ մյուս սենատորները իրենց պատրաստակամությունը հայտնեցին հետագայում եւս սատարելու Հայաստանին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր