Սումգայիթյան ջարդերի 25-րդ տարելիցին և Արցախյան շարժման 25-ամյակին նվիրված հերթական միջոցառումը Ֆրանսիայում

06 մարտի, 2013

Մարտի 6-ին Ֆրանսահայ կազմակերպությունների համակարգող խորհրդի Լիոնի մասնաճյուղի նախաձեռնությամբ` Վիլյորբանի Հայ Մշակույթի տան նախաձեռնությամբ եւ Ֆրանսիայում Հայաստանի դեսպանության աջակցությամբ տեղի ունեցավ Սումգայիթյան ջարդերի 25-րդ տարելիցին և Արցախյան շարժման 25-ամյակին նվիրված երեկո։

Միջոցառումն սկսվեց Մարինա Գրիգորյանի հեղինակած «Սումգայիթ. Սովորական Ցեղասպանություն» ֆիլմի ցուցադրությամբ, որից հետո բեմ հրավիրվեց սումգայիթյան ջարդերից հրաշքով փրկված Պավել Տրդատովը, ով հրավիրյալներին ներկայացրեց ականատեսի իր վկայություններն այն մասին, թե ինչպես են իր հարազատներն ութ ժամ շարունակ պաշտպանվել ադրբեջանական հրոսակախմբերից` մի քանի տասնյակ հանցագործների հետ անհավասար կռվում զոհվելուց առաջ։

Այնուհետեւ սումգայիթյան ողբերգության, բայց նաեւ` Արցախյան շարժման 25-ամյակին նվիրված խոսքով հանդես եկավ Ֆրանսիայում ՀՀ դեսպանորդը, ապա ծավալվեցին քննարկումներ, որոնց ընթացքում Հայաստանի դեսպանությանության ներկայացուցիչը պատասխանեց միջոցառմանը ներկա ֆրանսիացի լրագրողների, հասարակական-քաղաքական շրջանակների եւ Լիոնի հայ համայնքի ներկայացուցիչների բազմաթիվ հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր