«Ֆրանսիայում հայկական հիշատակումների ուղեցույց» գրքի շնորհանդեսը Փարիզում

10 փետրվարի, 2013

Փետրվարի 10-ին Փարիզի Սուրբ Հովհաննես Մկրտիչ եկեղեցու սրահում տեղի ունեցավ «Ֆրանսիայում հայկական հիշատակումների ուղեցույց» գրքի շնորհանդեսը:

Ուղեցույցը ֆրանսիացի ընթերցողին է ներկայացնում համակարգված տեղեկատվություն Ֆրանսիայի ողջ տարածքով մեկ սփռված այն հարյուրավոր փողոցների ու շինությունների, հրապարակների ու հաստատությունների, տեղանունների ու հուշակոթողների վերաբերյալ, որոնք առնչվում են Հայաստանին ու հայ ժողովրդին։

Գիրքն ինքնին տպավորիչ է իր ընգրկումով` ինչպես ժամանակագրական, այնպես էլ աշխարհագրական առումներով։ Այն գալիս է վկայելու, որ ֆրանսիայի տարածքում հայկական առաջին հիշատակումները սկիզբ են առնում դեռեւս չորրորդ դարից, եւ որ Հայաստանին ու հայ ժողովրդին նվիրված տարաբնույթ հիշատակումներ առկա են Ֆրանսիայի գրեթե բոլոր նահանգներում։

Շնորհանդեսին ամփոփիչ խոսքով հանդես եկավ Ֆրանսիայում ՀՀ դեսպան Վիգեն Չիտեչյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր