Լոռու մարզպետ Ա. Նալբանդյանի այցը Մարսել

14 դեկտեմբերի, 2012

Ս.թ. դեկտեմբերի 9-14-ը տեղի ունեցավ Լոռու մարզպետի գլխավորած պատվիրակության այցը Մարսել:

Դեկտեմբերի 10-ին պատվիրակությունը հանդիպեց Պրովանս-Ալպ-Կոտ դ՛Ազյուր շրջանի շրջանային խորհրդի նախագահ Միշել Վոզելի հետ: Հանդիպմանը ներկա էին շրջանային խորհրդի նախագահի տեղակալը, դիվանագիտական խորհրդականը, շրջանային խորհրդի անդամ, Մարսելի 13-րդ և 14-րդ թաղամասերի քաղաքապետ Կարո Հովսեփյանը, Մարսելում ՀՀ գլխավոր հյուպատոսության երկրորդ քարտուղար Լ. Դավթյանը:

Ստորագրվեց համագործակցության հուշագիր, որով թարմացվեց նախկինում ստորագրված փաստաթուղթը: Սույն հուշագրով նախատեսվում է համագործակցություն ծավալել երեք հիմնական ուղղություններով` ֆրանկոֆոնիա, տուրիզմ, անասնապահություն: Նույն օրը երեկոյան Մ. Վոզելի անունից պատվիրակության պատվին տրվեց ընթրիք:

Հաջորդ տարվա բյուջեով ֆրանսիական կողմը նախատեսել է հատկացնել 175.000 եվրո` աշխատանքային խմբերի ֆինանսավորման նպատակով: Գարնանից նախատեսվում են մասնագետների այցելություններ` վերապատրաստվելու նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր