Սայաթ-Նովայի 300-ամյակին նվիրված համերգ Փարիզում

13 դեկտեմբերի, 2012

Դեկտեմբերի 13-ին Փարիզի Կորտո դահլիճում կայացավ Սայաթ-Նովայի 300-ամյակին նվիրված հատուկ համերգ, որը կազմակերպվել էր Հայկական բարեգործական ընդհանուր միության (ՀԲԸՄ) Ֆրանսիայի կառույցի կողմից` Ֆրանսիայում ՀՀ դեսպանության օժանդակությամբ և բարձր հովանու ներքո:

Համերգին մասնակցեցին մոտ երկու տասնյակ հայ և այլազգի երաժիշտներ Ֆրանսիայից, Հայաստանից, Գերմանիայից, Շվեյցարիայից, Մեքսիկայից և ԱՄՆ-ից: Համերգի ընթացքում հնչեցին ՀԲԸՄ կողմից կազմակերպած «Սայաթ-Նովայի մրցույթի» տարբեր տարիների մրցանակների արժանացած երիտասարդ երգահանների ստեղծագործությունները, ինչպես նաև աշխարհահռչակ կոմպոզիտորների ճանաչված ստեղծագործություններ:

Միջոցառմանը ներկա էին Ֆրանսիայում Հայաստանի դեսպանության անձնակազմը, ՀԲԸՄ Ֆրանսիայի կառույցի ղեկավար կազմը, ֆրանսահայ համայնքի անդամներ և հայկական մշակույթի այլ սիրահարներ:

Համերգն անցկացվեց ՅՈՒՆԵՍԿՕ-ի հետ համագործակցությամբ, որը Սայաթ-Նովայի 300-ամյակը ներառել է կազմակերպության 2012թ. օրացույցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր