Հայկական դուդուկը Ֆրանսիայի Արևելյան Պիրենե շրջանում 2012-2013թթ. պատվավոր հրավիրյալ Ջիվան Գասպարյանի համերգը Պերպինյանի Մայորկայի թագավորական պալատում

26 նոյեմբերի, 2012

2012թ. նոյեմբերի 22-25-ը Արևելյան Պիրենե նահանգի գլխավոր Խորհրդի, Տուրլուգ, Պերպինյան քաղաքների հետ համատեղ Ֆրանսիայում ՀՀ դեսպանության հովանավորությամբ և աջակցությամբ բացվեց Հայաստանի և հայկական դուդուկին նվիրված կոնֆերանսը, որին հետևեց Ջիվան Գասպարյանի համերգը Պերպինյանի հայտնի Մայորկայի թագավորական պալատում, որով ըստ էության սկսվեց ''Հայկական դուդուկը Ֆրանսիայի Արևելյան Պիրենե շրջանում 2012-2013թթ. պատվավոր հրավիրյալ'' ծրագիրը:

Դեսպանն իր այցի ընթացքում հանդիպեց Արևելյան Պիրենե նահանգի գլխավոր Խորհրդի նախագահ տիկին Հերմելին Մալերբի /Hermeline Malherbe/, Լանգդոկ-Ռուսիոն շրջանի պատգամավորների, Տուրլուգ, Պերպինյան քաղաքների քաղաքապետների հետ: Սա դեսպան Չիթեչյանի առաջին այցն էր Արևելյան Պիրենե: Հանդիպման ընթացքում կողմերը գոհունակություն հայտնեցին սկսված համագործակցության կապակցությամբ և երկուստեք հետաքրքրություն արտահայտեցին խորացնելու հետագա հայ-ֆրանսիական ապակենտրոնացված համագործակցությունը տարբեր ոլորտներում:

Այցի ընթացքում դեսպանի պատվին Արևելյան Պիրենե նահանգի գլխավոր Խորհրդի կողմից կազմակերպվեց ընդունելություն: Միջոցառմանը ներկա էին տեղական պատգամավորներ, համայնքային կառույցների ներկայացուցիչներ, հոգևորականներ, մշակութային գործիչներ, լրագրողական շրջանակների ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր