Ֆրանսիական հեռուստատեսությամբ հայկական խաչքարերի վերաբերյալ ֆիլմի ցուցադրություն

01 նոյեմբերի, 2012

Նոյեմբերի 1-ին, ֆրանսիական France 2 հեռուստաընկերության "Chrétiens Orienteaux" /Արևելյան քրիստոնյաներ/ հաղորդաշարի շրջանակներում եթեր արձակվեց հայկական խաչքարի, արվեստի և ավանդույթի մասին 2012թ. նկարահանված կես ժամ տևողությամբ ֆիլմը` "Խաչքարեր. հայ ժողովրդի ոգին և հոգևորությունը /"Les Khatchkars (Croix en Pierre) : l’âme et la spiritualité du peuple arménien»/: Հաղորդաշարի ինտերնետային կայքէջն է www.chretiensorientaux.eu:

Ֆիլմում արտացոլված են խաչքարագործության արվեստի հին և հարուստ ավանդույթները, խաչքարերի էությունն ու դրանց նշանակությունը հայ քրիստոնյայի համար:

Նկարահանմանն իրենց մասնագիտական մեկնաբանություններով մասնակցել են նաեւ ֆրանսիացի հեղինակավոր գիտնականներ, պատմաբաններ ու արվեստագետներ: Ֆիլմում կան դրվագներ խաչքարի պահպանմանն ուղղված կոչով` Բաքվի կողմից Նախիջևանի հայկական խաչքարերի և գերեզմանոցների ավերման և ոչնչացման վերաբերյալ:

Ֆիլմը հնարավոր կլինի դիտել France 2 հեռուստաընկերության ինտերնետային կայքէջում /www.france2.fr/:

France 2 հեռուստաընկերության կողմից 2012թ. ամռանը Հայաստանում նկարահանված ֆիլմերից, ս.թ. դեկտեմբերի 30-ին, Փարիզի ժամանակով 9.30-ին, կցուցադրվի մեկ այլ ֆիլմ` ''Հայ եկեղեցու արմատները և պատմությունը սկզբնական դարերում'' /L’histoire et les racines de l’Eglise Arménienne dans les premiers siècles./:

Ֆիլմերը ծրագրվել են Թոմա Վալյուի (Thomas Wallut) և Միշել Կարիեի (Michel Carrier) կողմից` Ֆրանսիայում ՀՀ դեսպանության մասնակցությամբ։
Հայաստանում ֆիլմերի նկարահանման աշխատանքներն իրականցվել են ՀՀ Արտաքին գործերի նախարարության աջակցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր