Ֆրանսիայի ամենահին հանրային գրադարանում Հայ տպագիր գրքի 500-ամյակին նվիրված գրքի ցուցահանդես

26 հոկտեմբերի, 2012

Հոկտեմբերի 26-ին Ֆրանսիայի ամենահին հանրային` Փարիզի Մազարին գրադարանում /Bibliothèque Mazarine, www.bibliotheque-mazarine.fr/ Ֆրանսիայում ՀՀ դեսպան Վիգեն Չիտեչյանի ներկայությամբ, Գրադարանի տնօրեն Յան Սորդեի /Yann Sordet/ կողմից հանդիսավոր կերպով բացվեց ''Հայ գիրքը վերածննդից մինչև լուսավորիչներ. սփյուռքյան մշակույթ'' (Le livre arménien de la renaissance aux Lumières: une culture en diaspora) խորագրով ցուցահանդեսը:

Ցուցահանդեսը կազմակերպվել է Հայ տպագիր գրքի 500-ամյակի կապակցությամբ, ընդգրկում է մոտ 60 գիրք և արտացոլում է հայ գրատպության աշխարհագրությունը` Վենետիկից մինչև Մադրաս: Մշակութային այս տպավորիչ միջացառման իրականացմանը աջակցել են Փարիզի Քաղաքակրթությունների և լեզուների համալսարանական գրադարանը, ֆրանսահայ գիտնականներ և մշակույթի գործիչներ, Գալուստ Գյուլբենկյան հիմնադրամը, Ֆրանսիայի ազգային գրադարանը, Institut de France-ը, FINECO կազմակերպությունը:
Բացման հանդիսավոր արարողությանը ներկա էին բազմաթիվ ֆրանսիացի և ֆրանսահայ գիտնականներ, արվեստաբաններ, հայագետներ, քաղաքական, հասարակական եւ մշակութային գործիչներ, հոգևորականներ, լրագրողներ:

Ցուցահանդեսը, որի նյութերի հիման վրա հրատարակվել է նաեւ համանուն ժողովածու, տևելու է մինչև 2012թ. նոյեմբերի 30-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր