Երևանի քաղաքապետ Տ. Մարգարյանի այցը Մարսել

25 հունիսի, 2012

Երևանի քաղաքապետ Տարոն Մարգարյանի գլխավորած պատվիրակությունը ս.թ. հունիսի 21-24-ը Մարսելի քաղաքապետ Ժան-Կլոդ Գոդենի հրավերով պաշտոնական այցով գտնվում էր Մարսել քաղաքում` Մարսել-Երևան համագործակցության 20-րդ տարեդարձին նվիրված պաշտոնական արարողությանը մասնակցելու նպատակով:

Տեղի ունեցան հանդիպումներ Մարսելի քաղքապետ, սենատոր Ժան-Կլոդ Գոդենի, "Մարսել Մետրոպոլ" քաղաքային ենթակառույցները կառավարող կազմակերպության ղեկավար Էժեն Կազելիի, մունիցիպալ և տեղական ինքնակառավարման մարմինների, ֆրանս-հայկական առևտրաարդյունաբերական պալատի, ինչպես նաև քաղաքի հայ համայնքի ներկայացուցիչների հետ:

Հանդիպումների ընթացքում քննարկվել են Երևանի և Մարսելի միջև համագործակցության դինամիկան և նոր ծրագրեր իրականացնելու հեռանկարները:

Հայկական կողմն առաջարկել է հստակեցնել փոխգործակցության առաջնահերթություններն և ստեղծել աշխատանքային խմբեր, որոնք կուսումնասիրեն համագործակցության բոլոր առաջարկները:

Երևանի քաղաքապետը առաջարկել է նաև Մարսելի քաղաքապետարանի աջակցությամբ ֆրանսիացի գործարարներին ներկայացնել Երևանի ներդրումային դաշտը և առաջարկել նրանց փոխշահավետ ներդրումային ծրագրեր իրականացնել Երևանում։

Հունիսի 23-ին Մարսելի Բորելի այգում Մարսելի քաղաքապետի, քաղաքային իշխանությունների և հայ համայնքի ներկայացուցիչների մասնակցությամբ Երևանի քաղաքապետի գլխավորած պատվիրակությունը մասնակցեց Մարսել-Երևան համագործակցության 20-րդ տարեդարձին նվիրված պաշտոնական արարողությանը:

Այցի ընթացքում Երևանի քաղաքապետ Տարոն Մարգարյանին ուղեկցում էին Ֆրանսիայում ՀՀ դեսպան Վիգեն Չիտեչյանը և Մարսելում ՀՀ գլխավոր հյուպատոս Վարդան Սրմաքեշը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր