Շուշիի ազատագրմանը նվիրված միջոցառումների շարք Ֆրանսիայում

20 մայիսի, 2012

Ս.թ. մայիսի 5-ի՝ Փարիզյան շրջանում սփռվող «Այբ ՖՄ» ռադիոկայանի ֆրանսալեզու հաղորդումով մեկնարկել էր Շուշիի ազատագրմանը նվիրված միջոցառումների շարքը Ֆրանսիայում։ Շուրջ երկու ժամ տեւած հաղորդման ընթացքում Ֆրանսիայում ՀՀ դեսպանության արտակարգ դեսպանորդ եւ լիազոր նախարար Վահագն Աթաբեկյանը եւ ԼՂՀ մշտական ներկայացուցիչ Հովհաննես Գեւորգյանը ներկայացրեցին Շուշիի ազատագրման ինչպես խորհրդանշական, այնպես էլ ռազմավարական նշանակությունը ողջ հայության համար՝ Հայաստանում, Արցախում եւ Սփյուռքում: Հաղորդման մասնակիցները նաեւ ուղիղ եթերում պատասխանեցին ռադիոունկնդիրներին հետաքրքրող բազմաթիվ հարցերի։

Շուշիի ազատագրման 20-ամյակի առիթով, մայիսի 11-ին միջոցառում կազմակերպվեց Բիարիցում, որի ընթացքում ներկայացվեցին Լեռնային Ղարաբաղի երեկն ու այսօրը, խոսվեց արցախահայության իղձերից ու ակնկալիքներից։

Մայիսի 22-ին Արցախին նվիրված միջոցառումներ են նախատեսված Վալանսում, որոնց որպես հատուկ հրավիրյալ կմասնակցի Հայաստանի դեսպան Վիգեն Չիտեչյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր