Տիգրան Համասյանը հանդես եկավ ՅՈՒՆԵՍԿՕ-ի կենտրոնակայանում

30 ապրիլի, 2012

Ապրիլի 30-ին աշխարհի ջազի սիրահարներն առաջին անգամ նշեցին Ջազի միջազգային օրը, որը հռչակվել էր 2011թ. նոյեմբերին ՅՈՒՆԵՍԿՕ-ի 36-րդ Գլխավոր կոնֆերանսում:
Ապրիլի 27-ին ՅՈՒՆԵՍԿՕ-ի կենտրոնակայանում տեղի ունեցավ միջազգային հնչեղություն ստացած մշակութային այդ միջոցառման բացման պաշտոնական արարողությունը:

Բացման ելույթներով հանդես եկան ՅՈՒՆԵՍԿՕ-ի Գլխավոր տնօրեն Իրինա Բոկովան և ՅՈՒՆԵՍԿՕ-ում ԱՄՆ բարի կամքի դեսպան, աշխարհահռչակ ջազմեն Հերբի Հանկոկը (Herbie Hancock):

Ավարտելով ողջույնի խոսքերը` Իրինա Բոկովան և Հերբի Հանկոկը ներկայացրեցին հայտնի հայ ջազ դաշնակահար Տիգրան Համասյանին, որն էլ առաջին դաշնամուրային ակորդներով ազդարարեց միջազգային այդ գեղեցիկ տոնի բացումը: Իր 30 րոպեանոց ելույթում նա հանդիսատեսին ներկայացրեց հայկական էթնիկ երաժշտությունը ջազային երանգներով:

Համերգը ուղի եթերով հեռարձակում էին մի շարք միջազգային ջազային ռադիոկայաններ: Տոնակատարությունները մեծ շուքով անցան նաև Նոր Օրլեանում, որը համարվում է ջազի հայրենիքը և Նյու Յորքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր