"Հայկական խաչքարերի արվեստը" խորագրով ցուցահանդեսի բացում Բիարիցում

29 ապրիլի, 2012

2012թ. ապրիլի 28-ին Ֆրանսիայում ՀՀ դեսպան Վիգեն Չիտեչյանի և Բիարիցի քաղաքապետ Դիդիե Բորոտրայի /Didier BOROTRA/ ներկայությամբ Բիարիցի Սուրբ Ոժենի /Sainte-Eugénie/ եկեղեցում հանդիսավոր կերպով բացվեց "Հայկական խաչքարերի արվեստը" խորագրով լուսանկարչական ցուցահանդեսը:

Միջոցառմանը ներկա էին տեղական պատգամավորներ, համայնքային կառույցների ղեկավարներ, հոգևորականներ, մշակութային գործիչներ, արվեստագիտական, տեղական լրագրողական շրջանակների ներկայացուցիչներ:

Բացման խոսքով հանդես եկան դեսպան Չիտեչյանը, որը մասնավորապես անդրադարձ կատարեց հայկական խաչքարերի պաշտպանության կարևորությանը։ Բիարիցի քաղաքապետի կողմից եւս դատապարտվեց 2005-2006թթ. ընթացքում Նախիջանում գտնվող հայկական գերեզմանոցի և խաչքարերի ոչնչացումը ադրբեջանական կառավարության կողմից:

Ապրիլի 27-ին Բիարիցի կոնֆերանսների պալատում բացման արարողությանը նախորդեց "Հայկական խաչքարերի արվեստը" խորագրով կոնֆերանսը:

"Հայկական խաչքարերի արվեստը" խորագրով ցուցահանդեսը կտևի մինչև մայիսի 28-ը, որից հետո այն կցուցադրվի ֆրանսիական այլ քաղաքներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր