Մոնակոյի Իշխանության Ազգային Խորհրդի նախագահը Մոնակոյում ընդունեց ՀՀ դեսպանին

16 ապրիլի, 2012

2012թ. ապրիլի 16-ին, Մոնակոյի Ազգային Խորհրդի նախագահ Ժան-Ֆրանսուա Ռոբիյոնն (Jean-François Robillon) ընդունեց Մոնակոյի Իշխանությունում ՀՀ դեսպան Վիգեն Չիտեչյանին:

Ջերմ հանդիպման ընթացքում, ՀՀ դեսպանը ողջունեց Հայաստանի Հանրապետության և Մոնակոյի Իշխանության միջև ձևավորված բարեկամական և փոխվստահության վրա հիմնված հարաբերությունները, մասնավորապես Եվրոպայի Խորհրդի (ԵԽԽՎ), ԵԱՀԿ (ԵԱՀԿ ԽՎ) և Ֆրանկոֆոնիայի (ՖԽՎ) միջխորհրդարանական Վեհաժողովների շրջանակներում: Նա Ազգային Խորհրդի նախագահին հայտնեց, որ մեծ հավատ ունի խորհրդարանական դիվանագիտության ուժի հանդեպ, ինչը թույլ է տալիս ավելի լավ ճանաչել պետությունների իրողություններն ու առանձնահատկությունները:

Այդ առնչությամբ, Վիգեն Չիտեչյանը նախագահ Ռոբիյոնին ներկայացրեց Մոնակոյում Հայաստանի շաբաթ կազմակերպելու իր նախագիծը, որի նպատակն է ցույց տալ Հայաստանի պատմական, մշակութային հարստությունները և արվեստը:

Այս հետաքրքիր նախագիծն արժանացավ Ազգային Խորհրդի նախագահի ուշադրությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր