Շարլ Ազնավուրին տրվեց "Կյանքի ծառը" միջազգային մրցանակը

02 ապրիլի, 2012

Ս/թ. ապրիլի 2-ին, ՅՈւՆԵՍԿՕ-ի կենտրոնակայանում, ՅՈւՆԵՍԿՕ-ում Ռուսաստանի Դաշնության մշտական ներկայացուցչության նախաձեռնությամբ տեղի ունեցավ "Կյանքի ծառը" անվանումով միջազգային մրցանակի բաշխման պաշտոնական արարողությունը:

Մրցանակը տրվում է մշակույթի, կրթության և գիտության բնագավառներում անվանի անձանց, ինչպես նաև հայտնի քաղաքական գործիչներին:

Այս տարի այդ պատվին արժանացավ հայտնի շանսոնյե, ՅՈւՆԵՍԿՕ-ում ՀՀ մշտական ներկայացուցիչ Շարլ Ազնավուրը: Ֆրանսահայ գործչին մրցանակը հանձնեց Ռուսաստանի Դաշնության մշակույթի նախարար Ալեքսանդր Ավդեևը:

"Կյանքի ծառը" միջազգային մրցանակին արժանացան նաև 1992-1996թթ. ՄԱԿ-ի Գլխավոր քարտուղար Բուտրոս Բուտրոս-Ղալին, Հնդկաստանից`քաղաքական ու հանրային գործիչ Կարան Սինգխը, Ռուսաստանից` Նիկոլայ Ռերիխի թանգարանի տնօրեն Լյուդմիլա Շապոշնիկովան:

Միջոցառմանը ներկա էին ՅՈւՆԵՍԿՕ-ում հավատարմագրված դիվանագիտական առաքելությունների ներկայացուցիչները, ռուս և ֆրանսիացի մշակութային գործիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր