Հայաստանը Փարիզի Գրքի տոնավաճառին

12 մարտի, 2012

Հայաստանը չորրորդ տարին անընդմեջ կմասնակցի Փարիզի գրքի տոնավաճառին, որը տեղի կունենա մարտի 16-ից 19-ը: Հայաստանի տաղավարը գտնվում է X45 շարքի առաջին Պավիլոնում (Porte de Versailles, 75015 Paris): Այս անգամ, Հայստանի մասնակցությունն ուշագրավ է նրանով, որ Երևան քաղաքը ընտրվել է 2012թ. Գրքի Համաշխարհային Մայրաքաղաք:

Այդ առիթով, նախատեսված է համաժողով` նվիրված հայ տպագրության 500-ամյակին և « Երևան-Գրքի համաշխարհային Մայրաքաղաք 2012թ.» հռչակմանը, որը կկայանա մարտի 18-ին, Գրքի տոնավաճառի շրջանակներում :

Կցուցադրվեն Հայաստանի և Ֆրանսիայի հրատարակիչների կողմից հրատարակված գրքեր, ինչպես նաև հայ և օտարազգի հեղինակների աշխատանքներ` ֆրանսերեն և այլ լեզուներով թարգմանված:

Նախատեսվում է գրքերի վաճառք հեղինակների ինքնագրերով:

Հայկական պատվիրակությունը կգլխավորի ՀՀ Մշակույթի փոխնախարար Արև Սամուելյանը:

Ֆրանսիայում Հայաստանի դեսպանությունը հրավիրում է Ձեզ Գրքի տոնավաճառին, որը հանրության համար բաց է մարտի 16-ից 19-ը: Մինչև 18տ. (առցանց նախնական գրանցումը և անձը հաստատող փաստաթղթի ներկայացումը պարտադիր է) և մինչև 26տ. ուսանողների (առցանց նախնական գրանցումը և ուսանողական քարտի ներկայացումը պարտադիր է) մուտքն ավճար է:

Լրացուցիչ տեղեկությունների համար այցելեք տոնավաճառի պաշտոնական կայքէջը.
http://www.salondulivreparis.com

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր