Ընդունելություն Ելիսեյան պալատում Հայաստանի դեսպանի մասնակցությամբ

08 մարտի, 2012

Մարտի 7-ին տեղի ունեցավ Ֆրանսիական Հանրապետության նախագահ Նիկոլա Սարկոզիի հանդիպումը ֆրանսահայ համայնքի ներկայացուցիչների հետ, որին հաջորդեց հանդիսավոր արարողություն նվիրված Միսակ Մանուշյանի խմբի վերջին ներկայացուցիչ Արսեն Չաքրյանին։ Ֆրանսիական պետության ղեկավարը վերջինիս արժանացրեց Ֆրանսիական Պատվո Լեգիոնի սպայի կոչմանը։

Ելիսեյան պալատի հյուրն էր նաեւ Ֆրանսիայում Հայաստանի դեսպան Վիգեն Չիտեչանը։
Նախագահ Նիկոլա Սարկոզին իր ելույթում մասնավորապես անդրադարձավ Ֆրանսիայի առջեւ ֆրանսահայության մատուցած ծառայություններին, Միսակ Մանուշյանի խմբի անվերեպահ ու անձնազոհ նվիրումին՝ ֆրանսիական պետության պաշտպանությանն ու արժեքներին, ինչպես նաեւ Հայաստան կատարած իր պետական այցին։

Ցեղասպանությունների ժխտումը դատարապարտող օրինագծի շուրջ վերջին զարգացումների համատեքստում, Ֆրանսիայի նախագահը վերահաստատեց ժխտողականության դեմ պայքարին հետամուտ լինելու իր վճռականությունը։

"Ժխտողականությունը կարծիք չէ: Դա վիրավորանք է զոհերի հիշատակին, վտանգ է նրանց ժառանգների համար, ինչպես նաև մեր ամբողջ ազգային համայնքի համար, քանի որ դա մեր Հանրապետության արժեքների դեմ ուղղված անհանդուրժելի ոտնձգություն է: ", - նշեց Ֆրանսիայի նախագահ Նիկոյա Սարկոզին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր