Ֆրանսիայում ՀՀ դեսպան Ն. Գ. Վիգեն Չիտեչյանը շնորհավորական ուղերձ է հղել Արսեն Չաքարյանին

03 փետրվարի, 2012

Ֆրանսիայում ՀՀ դեսպան Ն. Գ. Վիգեն Չիտեչյանը շնորհավորական ուղերձ է հղել դիմադրության շարժման 94-ամյա անդամ պարոն Արսեն Չաքարյանին, որը Միսակ Մանուշյանի խմբի վերջին վերապրողն է: Վերջինիս` Ֆրանսիայի Նախագահի հրամանագրով բացառիկության հիմունքով շնորհվել է Պատվո Լեգիոնի սպայի կոչում:

«Ձեր կյանքն ու գործն օրինակելի են բոլոր սերունդների համար եւ մեծ հպարտության աղբյուր են ինչպես Ֆրանսիայի, այնպես էլ Հայաստանի համար » ասված է դեսպանի նամակում:

• Արսեն Չաքարյանը ֆրանսիական դիմադրության շարժման ծագումով հայ անդամներից է: Ֆրանսիական բանակում ծառայությունն ավարտելով` նա զորացրվել է 1940թ.-ին և ներգրավվել դիմադրության շարժման մեջ: Մասնակցել է թռուցիկների բաժանմանը, ռազմական գործողությունների ու սաբոտաժների: Միսակ Մանուշյանի ձերբակալումից հետո, միացել է Լուարեի պարտիզանական շարժմանը և մասնակցել` Մոնտարժիի ազատագրմանը:

1950թ. Մոնտ-Վալերիենի Գնդակահարվածների Հանձնաժողովի անդամ է, պատմաբան, Պաշտպանության նախարարությանն առընթեր հետազոտող:
Հայ Կամավորների, նախկին ռազմիկների և դիմադրողականների ազգային Ընկերության Պատվո նախագահն է:

2012թ. փետրվարին Արսեն Չաքարյանին շնորհվել է պատվո Լեգիոնի սպայի կոչում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր