ՀՀ դեսպանը Մարսելում

30 հունվարի, 2012

Հունվարի 27-ին Ֆրանսիայում ՀՀ դեսպան, Ն. Գ. Վիգեն Չիտեչյանը այցելեց Մարսել` քաղաքապետ, Ֆրանսիայի Սենատում Միություն հանուն Ժողովրդական Շարժման խմբակցության նախագահ Ժան-Կլոդ Գոդենի հրավերով: Նա մասնակցեց այդ առիթով Մարսելի քաղաքապետարանում կազմակերպված ընդունելությանը, որին նախորդեց դեսպանի եւ սենատոր-քաղաքապետի առանձնազրույցը` դարավոր ավանդույթներով հարուստ հայ-ֆրանսիական բարեկամական հարաբերությունների ընդլայնման և խորացման հնարավորությունների շուրջ:

Անդրադառնալով ապակենտրոնացված համագործակցության զարգացման հեռանկարներին` դեսպանը և սենատոր-քաղաքապետը գոհունակությամբ արձանագրեցին, որ Մարսելի և Հայաստանի մայրաքաղաքի միջև կապերը շարունակաբար ամրապնդվել են, հատկապես Երևանի հետ 1992թ. հունիսին ստորագրված համաձայնագրերից հետո, որոնք վերաբերվում են քաղաքային կառավարման, մշակույթի, սոցիալական, քաղաքացիական անվտանգության, կրթության և վերապատրաստման, ինչպես նաեւ տնտեսական զարգացման և առևտրային ոլորտներում համագործակցությանը:

Այցի շրջանակներում, ՀՀ դեսպանը մասնակցեց նաև Մարսելի 13-րդ և 14-րդ թաղամասերի քաղաքապետ, շրջանային խորհրդի անդամ, Մարսելի Հայ Մշակույթի Տան նախագահ Կարո Հովսեփյանի կողմից մշակույթի տանը կազմակերպված ընդունելությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր