Հայկական Սուրբ Ծնունդի կապակցությամբ ֆրանսիացի պատգամավորները հարգանքի տուրք են մատուցել 1915թ. ցեղասպանության զոհերի հիշատակին

06 հունվարի, 2012

Հայկական Սուրբ Ծնունդի կապակցությամբ ֆրանսիացի պատգամավորներ Վալերի Բուայեն, Ռոլան Բլյումը, Մարսելի փոխքաղաքապետ Դիդիե Փարաքյանը, Մարսելում Հայաստանի նորանշանակ գլխավոր հյուպատոս Վարդան Սրմաքեշը և Մարսել-Հայաստան միության անդամները հարգանքի տուրք են մատուցել 1915թ. ցեղասպանության զոհերի հիշատակին: Արարողության մասնակիցները ծաղկեպսակներ են դրել Մարսելում տեղակայված Հայոց ցեղասպանության զոհերի հիշատակը հավերժացնող հուշակոթողին` նաև ի նշանավորում պատգամավոր Վալերի Բուայեի առաջարկությամբ Ֆրանսիայի Ազգային Ժողովի կողմից ընդունված Օրենքով ճանաչված ցեղասպանությունների վիճարկման համար քրեական պատիժ սահմանող օրինագծի: Ներկաներին ուղղված իր խոսքում Վալերի բուայեն մասնավորապես ասել է. ''Ֆրանսիայի կողմից Հայոց ցեղասպանության ճանաչմամբ մենք հաղթահարեցինք վշտակցության ճանապարհի առաջին փուլը: Ժխտողականության քրեականացմամբ, որով արգելվում է անպատժելիության մթնոլորտում ֆրանսիական հողի վրա ժխտել 1915 թվականի սարսափները, հնարավոր կլինի վշտակցության գործը ամբողջովին հաղթահարել":

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր