2011թ. դեկտեմբերի 20-22-ը ՀՀ կրթության և գիտության նախարար Արմեն Աշոտյանի գլխավորած պատվիրակության` Ֆրանսիայի Հանրապետություն կատարած այց

20 դեկտեմբերի, 2011

2011թ. դեկտեմբերի 20-22-ը ՀՀ կրթության և գիտության նախարար Արմեն Աշոտյանի գլխավորած պատվիրակության` Ֆրանսիայի Հանրապետություն կատարած այցի ընթացքում հանդիպումներ է ունեցել Ֆրանսիայի կրթության նախարարության մասնագիտական կրթության ենթավարչության ղեկավար Ժան-Մարկ Հյուարի, Ֆրանսիայի հետազոտության և բարձրագույն կրթության գնահատման գործակալության նախագահ Դիդիե Ուսենի, Ֆրանսիայի արտաքին գործերի և եվրոպական հարցերով նախարարության լեզվաբանական բազմազանության և ֆրանսերենի ենթավարչության փոխտնօրեն Ժան-Մարկ Բրետոնի, ՅՈՒՆԵՍԿՕ–ի գլխավոր տնօրենի կրթության հարցերով տեղակալ Դիան Թանգի հետ:

Ֆրանսիայի արտաքին գործերի և եվրոպական հարցերով նախարարության համագործակցության հարցերով նախարար Անրի դը Ռենկուրի կողմից ՀՀ ԿԳ նախարարի պատվին տրված ճաշի ընթացքում քննարկվեց կրթության ոլորտի հետագա համագործակցության ընդլայնմանն վերաբերվող հարցեր: Անրի դը Ռենկուրը ջերմ ողջյունեց հայ-ֆրանսիական բարձր մակարդակի քաղաքական երկխոսությունը:

Այցի ընթացքում Փարիզի Հայ Առաքելական եկեղեցում տեղի ունեցավ հանդիպում հայ համայնքի ներկայացուցիչների հետ, որի ընթացքում քննարկվեցին հիմնականում մասնագետների պատրաստման, ուսուցիչների վերապատրաստման, մանկապատանեկան գրականության, համայնքի կողմից գրականության պատրաստման և տպագրության, սփյուռքի գրականության վերաբերյալ ամփոփ տեղեկատվության առկայության աջակցության վերաբերյալ հարցեր: Նախարար Աշոտյանի կողմից ՀՀ անկախության 20-ամյակի շրջանակներում ՀՀ կրթության և գիտության նախարարության պատվոգիր հանձնվեց Ֆրանսահայ Կապույտ Խաչ կազմակերպությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր