Հանդիպում Օ Դը Սեն շրջանի Գլխավոր խորհրդում

15 դեկտեմբերի, 2011

Հայ-ֆրանսիական ապակենտրոնացված համագործակցության շրջանակներում 2011թ. դեկտեմբերի 15-ին Ֆրանսիայի Օ Դը Սեն շրջանի Գլխավոր խորհրդում տեղի ունեցավ Ֆրանսիայի Միավորված քաղաքների (Cités Unies France) կազամակերպության կողմից նախաձեռնած "Հայաստան" աշխատանքային խմբի հանդիպումը, որը վարում էր այդ խումբը նախագահող`Օ Դը Սենի Գլխավոր խորհրդի նախագահ Պատրիկ Դևեջյանը:

Նիստի աշխատանքներին մասնակցում էին Ֆրանսիայում ՀՀ դեսպանը, "Հայաստան" համահայկական հիմնադրամի եվրոպական մասնաճյուղի ղեկավարը, Ֆրանսիայի Սենատի, Ֆրանսիայի ԱԳՆ, Զարգացման գործակալության, հայ-ֆրանսիական ապակենտրոնացված համագործակցության շրջանակներում ընդգրկված ֆրանսիական տեղական ինքնակառավարման մարմինների ներկայացուցիչները:

Հանդիպման նպատակն էր վերջին ժամանակաշրջանում հայ-ֆրանսիական ապակենտրոնացված համագործակցության շրջանակներում իրականացված աշխատանքների ամփոփումը, ինչպես նաև գալիք` 2012թ. նախատեսվող ծրագրերի քննարկումը:

Մասնակիցները քննարկեցին նաև «Օ Դը Սենը կօգնի Տավուշին» խորագրով ծրագրի գործընթացը, որը ուղղված է Տավուշի մարզի գյուղատնտեսական ենթակառուցվածքների զարգացմանը:

Ֆրանսիայում ՀՀ դեսպան Վ. Չիտեչյանը իր հերթին ներկայացրեց Հայաստանի սոցիալ-տնտեսական վերջին զարագցումները, երկրում իրականացվող օտարերկրյա ներդրումների իրավիճակը և դրանց հեռանկարները, ազատ առևտրի և վիզային ռեժիմի դյուրացման շուրջ Եվրամիության հետ իրականցվող բանակցային գործընթացը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր