Մարսելում ՀՀ հյուպատոսություն կստեղծվի

01 դեկտեմբերի, 2011

ՀՀ կառավարությունը այսօրվա նիստի ընթացքում հավանություն է տվել «Ֆրանսիայի Հանրապետության Մարսել քաղաքում ՀՀ գլխավոր հյուպատոսություն ստեղծելու մասին» ՀՀ Նախագահի հրամանագրի նախագծին։ Կառավարության պաշտոնական հաղորդագրության համաձայն` հյուպատոսական շրջանում ընդգրկվելու են Պրովանս-Ալպ-Կոտ դ՛Ազյուր, Լանգեդոկ-Ռուսիյոն, Միդի-Պիրենեյ տարածաշրջանները և Կորսիկան։ Հայաստանի և Ֆրանսայի բարեկամական սերտ հարաբերությունների և բազմաբնույթ համագործակցության համատեքստում գլխավոր հյուպատոսության հիմնումը առավել արդյունավետ կդարձնի Ֆրանսիայում հյուպատոսական ծառայությունների իրականացումը, կապահովի Հայաստանի ներկայությունը բարեկամ երկրի հարավ-արևելյան շրջաններում, ինչը կնպաստի նաև երկկողմ հարաբերությունների, հատկապես առևտրատնտեսական կապերի և զբոսաշրջության զարգացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր