Հայաստանը դարձավ ՅՈՒՆԵՍԿՕ-ի կրթության միջազ•ային բյուրոյի խորհրդի անդամ

04 նոյեմբերի, 2011

2011թ. նոյեմբերի 4-ին ՅՈՒՆԵՍԿՕ-ի Գլխավոր կոնֆերանսի 36-րդ նստաշրջանի շրջանակներում կայացան Գլխավոր կոնֆերանսի կողմից սահմանված կոմիտեների, հանձնաժողովների եւ այլ օժանդակ մարմինների ընտրությունները:

Երկրորդ ընտրական խմբում, որտեղ Արևելյան Եվրոպայի և նախկին ԽՍՀՄ երկրների հետ մեկտեղ ընդգրկված է նաեւ Հայաստանը, ՅՈՒՆԵՍԿՕ-ի Կրթության միջազգային բյուրոյի խորհրդի երեք թափուր տեղերի համար դիմել էին 4 երկրներ` Բուլղարիան, Սլովակիան, Հայաստանը և Լատվիան: Քվեարկության արդյունքում ստանալով 108 ձայն` Հայաստանը դարձավ ՅՈՒՆԵՍԿՕ-ի Կրթության միջազգային բյուրոյի խորհրդի անդամ: Հայաստանի հետ մեկտեղ ընտրվեցին Բուլղարիան և Սլովակիան:

Հարկ է նշել, որ Հայաստանը առաջին անգամ էր մասնակցում ՅՈՒՆԵՍԿՕ-ի Գլխավոր կոնֆերանսի շրջանակներում կազմակերպվող ընտրություններում:

ՅՈՒՆԵՍԿՕ-ի այդ կառույցում Հայաստանը ներկայացնելու է ՀՀ կրթության եւ գիտության փոխնախարար Կարինե Հարությունյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր