Ֆրանսիայում ՀՀ դեսպան Վ.Չիտեչյանի այցը Պիրենե-Ատլանտիկ երկրամաս: Տոնական միջոցառում Բիարիցում` Հայաստանի Հանրապետության անկախության 20-ամյակի կապակցությամբ

22 հոկտեմբերի, 2011

2011թ. հոկտեմբերի 21-ին Ֆրանսիայում ՀՀ դեսպան Վ.Չիտեչյանը հանդիպում ունեցավ Բիարից քաղաքի քաղաքապետ, սենատոր Դիդիե Բորոտայի և շրջանի վարչակազմի հետ: Դեսպանը Հարավային Ֆրանսիայի Աքվիտանիա դեպարտամենտի Պիրենե-Ատլանտիկ երկրամաս էր ժամանել Հայաստանի Հանրապետության անկախության հռչակման 20-ամյա հոբելյանի նշման կապակցությամբ: Տոնական միջոցառումներին կազմակերպիչն էր Ագուր-Հայաստան միությունը` ի դեմս նրա նախագահ Ֆիլիպ Տեր-Խաչադուրյանի:

Դեսպան Չիտեչյանը ելույթ ունեցավ Բիարիցի հասարակայնության առջև, ներկայացրեց Հայաստանի ներքին և արտաքին քաղաքականության հիմնախնդիրները, պատասխանեց ներկաներին հետաքրքրող հարցերին: Միջոցառումների շրջանակներում քաղաքի կենտրոնական գրադարանում տեղի ունեցավ <Հայաստանի թագավորությունները և նրանց 12 մայրաքաղաքները> ցուցադրությունը` պատմաբան Կլոդ Մութաֆյանի ներկայացմամբ: <Բասկերի երկրում> ցուցադրվեց <Նոյան Տապանի երկիրը> փաստավավերագրական ֆիլմը: Դեսպան Չիտեչյանը հանդիպումներ ունեցավ նաև հարևան Էսպըլետ քաղաքի փոխքաղաքապետ Էթիեն Արգենի և Կամբո քաղաքի քաղաքապետ և գլխավոր խորհրդական Վենսան Բռյուի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր