Հայ գրականությանը նվիրված գրական-գեղարվեստական միջոցառումների շաբաթ Ֆրանսիայում

21 հոկտեմբերի, 2011

2011թ.հոկտեմբերի 16-21-ը Ֆրանսիայում տեղի ունեցավ հայ գրականությանը, հայկական մշակույթին, հայոց պատմությանը, Հայաստանի ու սփյուռքի հայությանն հուզող արդիական խնդիրներին նվիրված միջոցառումների շարք <Հայաստան-Հայաստաններ - հողը, սփյուռքը, գրականությունները> ընդհանուր խորագրի ներքո: Միջոցառումն անցկացվում էր Ֆրանսիայի կառավարության անմիջական աջակցությամբ և նվիրված էր Հայաստանի Հանրապետության անկախության 20-ամյակին: Միջոցառման նախաձեռնողն ու իրականացնողն էր Ֆրանսիայի Գրքի Ազգային Կենտրոնը: Հրավիրյալների թվում էին Հայաստանը և սփյուռքը ներկայացնող հայագիր և օտարագիր երկու տասնյակ գրողներ, ֆրանսահայ հրապարակախոսներ, հայագետներ ու քաղաքագետներ: Միջոցառմանը հատուկ հրավիրյալի կարգավիճակով մասնակցում էր Ֆրանսիայում ՀՀ դեսպանության դեսպանորդԱշոտ Ալեքսանյանը:

Միջոցառումների շարքը մեկնարկեց Ֆրանսիայի Մարսել քաղաքում: Այնուհետև գրողական արշավախումբը, ֆրանսիացի գրչակիցների ու հրատարակիչների ուղեկցությամբ <Արևելյան ճեպընթաց> գնացքով ուղևորվեց Ավինյոն, Վալանս, Լիոն քաղաքներ, ուր նույնպես տեղի ունեցան գրական ու մշակութային միջոցառումներ, և վերջին հանգրվանը գտավ Ֆրանսիայի մայրաքաղաք Փարիզում: Միջոցառումներն անցան տեղական, մարդաշատ դահլիճներում, ինչը նշան էր ֆրանսահայերի և ֆրանսիացիների շրջանում հայ գրականության հանդեպ ունեցած մեծ հետաքրքրության: Հոկտեմբերի 20-ին հրավիրյալ գրողների պատվին Փարիզում կազմակերպված պաշտոնական ճաշկերույթ-համերգին մասնակցեցին Ֆրանսիայում Հայաստանի դեսպան Վիգեն Չիտեչյանը, Ֆրանսիայի գործադիր և օրենսդիր իշխանությունների, գրական շրջանների ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր