Հայաստանի Հանրապետության Անկախության 20-ամյակին նվիրված հանդիսավոր արարողություն Լիոնում

12 հոկտեմբերի, 2011

2011թ. հոկտեմբերի 12-ին Լիոնի քաղաքապետարանի հանդիսությունների սրահում տեղի ունեցավ ընդունելություն նվիրված Հայաստանի Հանրապետության անկախության 20-րդ տարեդարձին: Միջոցառումը նախաձեռնել էր Ֆրանսահայ կազմակերպությունների համակարգող խորհրդի Լիոնի և մերձակա շրջանների մասնաճյուղը /նախագահ Ժյուլ Մարտիրոսյան/ և Լիոնի քաղաքապետարանը` Սենատոր-քաղաքապետ Ժերար Կոլոմբի գլխավորությամբ: Արարողության սկզբում հնչեցին Հայաստանի և Ֆրանսիայի պետական օրհներգերը: Ելույթներով հանդես եկան Ֆրանսիայում Հայաստանի դեսպան Վիգեն Չիտեչյանը, Լիոնի քաղաքապետի առաջին տեղակալ Հյուբեր Ժյուլիեն Լաֆերիերը, փոխքաղաքապետ Ժորժ Կեպենեկյանը և Ժյուլ Մարտիրոսյանը: Հանդիսությանը ներկա էր նաև Լիոնի մերձակա Դեսին քաղաքի քաղաքապետը: Իր ելույթում դեսպան Չիտեչյանը շնորհակալություն հայտնեց Լիոնի քաղաքապետին Հայաստանի անկախության տոնը հանդիսավորությամբ նշելու կապակցությամբ, ինչպես նաեւ Լիոնում բնակվող ֆրանսահայերի և հայ ժողովրդին հուզող հարցերի հանդեպ մշտական ուշադրության համար: Անդրադառնելով Լիոնի և Երևանի բազմամյա կապերին` դեսպանը ողջունեց հուլիս ամսին սենատոր-քաղաքապետ Ժերար Կոլոմբի Երևան այցելությունը և այդ առիթով երկու քաղաքների միջև համագործակցության հուշագրի ստորագրումը, ինչպես նաև Երևանում Լիոնի պուրակի հիմնումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր