Դեսպան Վ. Չիտեչյանն իր հավատարմագրերը հանձնեց Մոնակոյի Իշխան Ալբերտ 2-ին

11 հոկտեմբերի, 2011

2011 թ. հոկտեմբեր 11-ին համատեղության կարգով Մոնակոյի Իշխանությունում ՀՀ դեսպան Վիգեն Չիտեչյանն իր հավատարմագրերն հանձնեց Մոնակոյի Իշխան Ալբերտ Երկրորդին: Առանձնազրույցի ընթացքում, Մոնակոյի Իշխան Ալբերտ Երկրորդը, շնորհավորելով դեսպանին, ողջունեց Մոնակոյում Հայաստանի առաջին դեսպանի հավատարմագրումը և համոզմունք հայտնեց, որ այդ հանգամանքը խթան կհանդիսանա երկու երկրների միջև երկկողմ հարաբերությունների զարգացման համար: ՀՀ դեսպանը կարևորեց Մոնակոյի Իշխանության հետ Հայաստանի երկկողմ հարաբերությունների զարգացումը, համագործակցությունն այնպիսի միջազգային կազմակերպությունների շրջանակներում, ինչպիսիք են ՄԱԿ-ը, ՅՈՒՆԷՍԿՕ-ն, Եվրոպայի Խորհուրդը, Ֆրանկոֆոնիայի Միջազգային կազմակերպությունը: Դեսպանը Մոնակոյի Իշխանին շնորհավորեց վերջինիս հովանավորությամբ Մոնակոյում ամեն տարի անցկացվող <Սպորտը` հանուն խաղաղության> միջազգային ֆորումի կապակցությամբ` բարձր գնահատելով այդ հաստատության ջանքերը աշխարհում խաղաղության և կայունության ամրապնդման գործում: Նույն օրը դեսպան Չիտեչյանը հանդիպում ունեցավ Մոնակոյի Կառավարության Արտաքին գործերով Խորհրդական Ժոզե Բադիայի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր