Երևանի քաղաքապետ Կարեն Կարապետյանի այցը Նիս: Տոնական միջոցառում և հանդիպում Նիսի քաղաքապետ Քրիստիան Էստրոզիի հետ

23 սեպտեմբերի, 2011

2011թ. սեպտեմբերի 22-23-ը տեղի ունեցավ Երևանի քաղաքապետ Կարեն Կարապետյանի աշխատանքային այցելությունը Երևանի հետ բարեկամացած Ֆրանսիայի Նիս քաղաք` Նիսի քաղաքապետ Քրիստիան Էստրոզիի հրավերքով: Այցի ընթացքում Երևանի քաղաքապետը մասնակցեց սեպտեմբերի 23-ին Նիսում գտնվող <Հայաստանի պուրակում> ցեղասպանության զոհ դարձած մեծ բանաստեղծ Ռուբեն Սևակին նվիրված հուշակոթողի բացման հանդիսավոր արարողությանը, որ տեղի էր ունենում Հայաստանի անկախության 20-ամյակին նվիրված միջոցառումների շրջանակում: Ընդունելություն կազմակերպվեց քաղաքապետարանում` մասնակցությամբ Ֆրանսիայի ԱԺ պատգամավորների, մունիցիպալ իշխանությունների և հայ համայնքի ներկայացուցիչների: Արարողությանը ներկա հայ և ֆրանսիացի բազմության առաջ ելույթներով հանդես եկան Նիսի և Երևանի քաղաքապետները, Ֆրանսիայում ՀՀ դեսպան Վիգեն Չիտեչյանը: Միջոցառմանը մասնակցում էր Ռուբեն Սևակի դուստրը` 97-ամյա Շամիրամ Սևակը: Սեպտեմբերի 23-ին երկու քաղաքապետները աշխատանքային կարգով քննարկեցին երկկողմ համագործակցության ընթացքները և անդրադարձան ապագա ծրագրերին: Երևանի քաղաքապետ Կ.Կարապետյանը այցելեց Նիսի հայկական եկեղեցի, Բարսամյան կրթական համալիր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր