Հանդիսավոր միջոցառում Մարսելում` Արցախի անկախության 20-ամյակի կապակցությամբ

15 սեպտեմբերի, 2011

2011թ. սեպտեմբեր 15-ին Մարսելի Ազգային գրադարանի նշանավոր Ալկասար հանդիսությունների սրահում անցկացվեց տոնական հրապարակային հավաք ''Լեռնային Ղարաբաղ. անկախությունից 20 տարի անց'' խորագրով: Կազմակերպիչներն էին Մարսելի քաղաքապետարանը և Ֆրանսահայ կազմակերպությունների համակարգող խորհուրդը: Հանդիսավոր հավաքին մասնակցում էին Ֆրանսիայի հարավային շրջաններից ընտրված Ֆրանսիայի Ազգային Ժողովի պատգամավորներ` Ռոլան Բլյում, Վալերի Բուայե, Ռիշար Մալյե, Գի Տեսյե, Ֆրանսուա Ռոշբլուան, Պրովանս-Ալպ-Կոտ դ'Ազյուր տարածաշրջանի շրջանային և քաղաքային օրենսդիր ու գործադիր մարմինների, ֆրանսիական հասարակայնության ներկայացուցիչներ, լրագրողներ, հայկական համայնքային կառույցների ղեկավարներ և հայ համայնքի ստվարաքանակ անդամներ: Պատգամավորները ներկայացրեցին վերջին տարիներին ԼՂՀ կատարած այցելությունների մասին իրենց տպավորությունները և շնորհավորեցին Արցախի ժողովրդին և իշխանություններին ԼՂՀ` որպես ժողովրդավար, անկախ պետական միավորի կայացման կապակցությամբ: Նշանավոր տարելիցի առիթով ելույթներով հանդես եկան Ֆրանսահայ կազմակերպությունների համակարգող խորհրդի ղեկավարությունից Տիգրան Հարունյանը, Ժաք Տոնապետյանը, Ֆրանիայում ՀՀ դեսպանության դեսպանորդ Աշոտ Ալեքսանյանը, Ֆրանսիայում ԼՂՀ ներկայացուցիչ Հովհաննես Գևորգյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր