Հաճախ տրվող հարցեր

Ինչպես կարելի է ձեռք բերել քաղաքացիական կացության ակտի գրանցման վկայականի կրկնօրինակը /ծննդյան վկայական, ամուսնության վկայական և այլն / այն կորցնելու դեպքում :
ՀՀ քաղաքացիները Ֆրանսիայում ամուսնություն գրանցելիս ինչպես կարող են ձեռք բերել ամուսնության բացակայության և սովորույթների վերաբերյալ տեղեկանք (CERTIFICAT DE CELIBAT ET COUTUME):
Ինչ պետք է անի ՀՀ քաղաքացին Ֆրանսիայի քաղաքացիություն ստանալու դեպքում:

1. Ինչպես կարելի է ձեռք բերել քաղաքացիական կացության ակտի գրանցման վկայականի կրկնօրինակը /ծննդյան վկայական, ամուսնության վկայական և այլն / այն կորցնելու դեպքում :

այն կարելի է ձեռք բերել երկու ճանապարհով.

ՀՀ դեսպանության հարցման միջոցով, որի համար անհրաժեշտ է.
- Լրացնել կցվող դիմումը
- ներկայացնել ՀՀ անձնագրի բնօրինակը և 2-5-րդ էջերի պատճենը
- Ֆրանսիայում բնակության իրավունքը հաստատող փաստաթղթի պատճենը
- վճարումը 19 եվրո բանկային չեկով`լրացված դեսպանության անունով
Լիազորագրի միջոցով` լիազորագրի համար սահմանված է պետ.տուրք
28 եվրո:

ՀՀ դեսպանության հարցման միջոցով ձեռք բերված քաղաքացիական կացության ակտի գրանցման վկայականի կրկնօրինակը APOSTILLE-ով հաստատված չի լինի :

2. ՀՀ քաղաքացիները Ֆրանսիայում ամուսնություն գրանցելիս ինչպես կարող են ձեռք բերել ամուսնության բացակայության և սովորույթների վերաբերյալ տեղեկանք (CERTIFICAT DE CELIBAT ET COUTUME)

Այն տրամադրվում է

ՀՀ արդարադատության նախարարության կողմից տրված ընտանեկան կարգավիճակի վերաբերյալ /Ձև 1/ տեղեկանքի հիման վրա, որի հետ միասին անհրաժեշտ է ներկայացնել նաև
լրացված դիմումը և հարցաթերթիկը
վավեր ՀՀ անձնագիրը /բնօրինակ և 2-5-րդ էջերի պատճենը
պետական տուրք` 19 եվրո / վճարվում է ՀՀ դեսպանության անունով բանկային չեկով
փոստով ուղարկելիս, անհրաժեշտ է ուղարկել նշված փաստաթղթերի պատճենները և պատվիրված ծրար տեղեկանքը ուղարկելու համար

ՀՀ արդարադատության նախարարության կողմից տրամադրվող ընտանեկան կարգավիճակի վերաբերյալ /Ձև 1/ տեղեկանքը կարելի է ձեռք բերել 2 եղանակով`

լիազորագրով /ծնողների դեպքում` լիազորագիր անհրաժեշտ չէ/ :
Ֆրանսիայում ՀՀ դեսպանության հարցման միջոցով: Հարցման հիման վրա տրված տեղեկանքի համար սահմանված է պետ.տուրք` 47 եվրո:

Երկու դեպքում էլ անհրաժեշտ է ստորագրել հայտարարություն ամուսնության բացակայության վերաբերյալ /declaration sur l’honneur/, որը քաղաքացու կողմից ստորագրվում է դեսպանությունում և հաստատվում` հյուպատոսի կողմից.

Հայտարարությունը ստորագրելու համար անհրաժեշտ է`

վավեր ՀՀ անձնագիր /բնօրինակ և 2-5-րդ էջերի պատճենը
Ֆրանսիայում բնակվելու իրավունքը հաստատող փաստաթուղթ /բնօրինակ և պատճենը
պետական տուրքի վճարում ՀՀ դեսպանության անունով բանկային չեկով /13 եվրո

Հայտարարությունը ստորագրելիս քաղաքացու ներկայությունը պարտադիր է :

3. Ինչ պետք է անի ՀՀ քաղաքացին Ֆրանսիայի քաղաքացիություն ստանալու դեպքում

Հայաստանի Հանրապետության քաղաքացին այլ պետության քաղաքացիություն ընդունելու կամ ստանալու դեպքում դրա մասին անձամբ կամ փոստով հայտնում է ՀՀ Դեսպանություն, ներկայացնելով հետևյալ փաստաթղթերը.

Հայտարարություն, որտեղ նշվում է հայտարարություն տվողի անունը, ազգանունը, ծննդյան օրը, ամիսը, տարեթիվը, ծննդավայրը, այն պետության անվանումը, որի քաղաքացիությունն ստացել կամ ընդունել է անձը, քաղաքացիությունը ստանալու կամ ընդունելու օրը, ամիսը, տարեթիվը: Դիմումն ստորագրում է հայտարարություն տվողը` նշելով դիմումը ներկայացնելու օրը, ամիսը, տարեթիվը: Հայտարարության վրա չմոռանաք նշել Ֆրանսիայում ձեր հասցեն և հեռախոսահամարը :

Հայտարարությանը անհրաժեշտ է կցել.

ՀՀ քաղաքացու անձնագրի 2-5 էջերի պատճենը
Ֆրանսիական անձնագրի 1-ին /բազային տվյալներով/ էջի պատճենը
Հրամանագրի /decret de naturalisation-ի / պատճենը

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր