Դեսպան Հասմիկ Տոլմաջյանի հանդիպումը Պոյի քաղաքապետ Ֆրանսուա Բայրուի հետ

29 հոկտեմբերի, 2021

Ս.թ. հոկտեմբերի 29ին դեսպան Հասմիկ Տոլմաջյանը, ով աշխատանքային այցով գտնվում էր Pyrénées-Atlantiques դեպարտամենտում, հանդիպում ունեցավ Պո քաղաքի քաղաքապետ, Դեմոկրատական շարժում (MoDem) կուսակցության հիմնադիր և առաջնորդ Ֆրանսուա Բայրուի (François Bayrou) հետ։

Քաղաքապետի խնդրանքով՝ դեսպան Տոլմաջյանը ներկայացրեց 2020թ Արցախի դեմ սանձազերծված 44-օրյա պատերազմից հետո ստեղծված տարածաշրջանային իրադրությունը և հակամարտության աշխարհաքաղաքական հետևանքները։ Անդրադարձ կատարվեց ադրբեջանաթուրքական ագրեսիայի հետևանքով արցախահայության առջև ծառացած հումանիտար խնդիրներին։ Ֆրանսուա Բայրուն վերահաստատեց իր համերաշխությունը Հայաստանին և հայ ժողովրդին՝ վերջինիս պատմության այս դժվարին փուլում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր