Փարիզի Շոայի հուշահամալիրում տեղի ունեցավ իտալահայ Սոնյա Օրֆալյանի հեղինակած «Հայ մանուկների խոսքերը» վերջերս լույս տեսած գրքի շնորհանդեսը

12 սեպտեմբերի, 2021

Սեպտեմբերի 12-ին ՀՀ դեսպանությունը մասնակցեց Փարիզի Շոայի հուշահամալիրում (Mémorial de la Shoah) կազմակերպված իտալահայ Սոնյա Օրֆալյանի հեղինակած «Հայ մանուկների խոսքերը» («Paroles d’enfants arméniens 1915-1922») վերջերս լույս տեսած գրքի շնորհանդեսին։ Ծնված լինելով Հայոց ցեղասպանությունից փրկված և Լիբիայում, ապա Իտալիայում ապաստան գտած հայկական ընտանիքում՝ գրքի հեղինակը ներկայացնում է Հայոց ցեղասպանությունից մազապուրծ եղածների մանկական վկայությունները՝ Երիտթուրքերի կառավարության հրահանգով հայերի զանգվածային բնաջնջման աննկարագրելի դաժանությունների վերաբերյալ։

Միջոցառման ընթացքում տեղի ունեցավ նաև ֆրանսահայ ռեժիսոր Սերժ Ավետիքյանի «Վերադարձ Սոլոզ» ֆիլմի նախացուցադրությունը։

Գրքի շնորհանդեսի և ֆիլմի ցուցադրությունից հետո տեղի ունեցավ մտքերի փոխանակում-բանավեճ՝ ֆրանսահայ պատմաբան Քլեր Մուրադյանի, Ֆրանսիայի Գիտական հետազոտությունների ազգային կենտրոնի գիտաշխատող Անուշ Կունտի և Բրյուսելի ազատ համալսարանի քաղաքագիտության դասախոս Ժոել Կոտեկի մասնակցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր