Դեսպան Խաչատրյանը բանախոսությամբ հանդես է եկել Փարիզում Լոնդոնի համալսարանի ինստիտուտում

04 նոյեմբերի, 2025

Նոյեմբերի 4-ին Ֆրանսիայում ՀՀ դեսպան Արման Խաչատրյանը բանախոսությամբ հանդես է եկել Փարիզում Լոնդոնի համալսարանի ինստիտուտում (University of London Institute in Paris).

Դեսպանը ներկայացրել է Հայաստանի արտաքին քաղաքականության առաջնահերթությունները, հարևան երկրների հետ հարաբերությունները, հայ-ֆրանսիական պատմական հարաբերություններն ու սերտ համագործակցությունը, ինչպես նաև Հայաստան-ԵՄ հարաբերություններում վերջին զարգացումները

Դեսպան Խաչատրյանը անդրադարձել է նաև օգոստոսի 8-ին Վաշինգտոնում Հայաստանի և Ադրբեջանի միջև ձեռք բերված համաձայնություններին և Հարավային Կովկասում հաստատված խաղաղության ինստիտուցիոնալացման ուղղությամբ Հայաստանի կողմից գործադրվող ջանքերին։

Բանախոսության ավարտին Հայաստանի դեսպանը պատասխանել է ուսանողների հարցերին՝ անդրադառնալով նաև «Թրամփի ուղի՝ հանուն միջազգային խաղաղության և բարգավաճման» (TRIPP) հաղորդակցության ծրագրին, Հայաստանի արտաքին քաղաքականության դիվերսիֆիկացիային և ՀՀ-ին առնչվող երկկողմ և բազմակողմ այլ հարցերի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր