Դեսպան Խաչատրյանի հանդիպումը Բուշ-դյու-Ռոն դեպարտամենտի նախագահի հետ

12 սեպտեմբերի, 2025

Սեպտեմբերի 12-ին Մարսել կատարած աշխատանքային այցի շրջանակում Ֆրանսիայում ՀՀ դեսպան Արման Խաչատրյանը հանդիպումներ է ունեցել Բուշ-դյու-Ռոն դեպարտամենտի նախագահ Մարտին Վասալի հետ։

Արման Խաչատրյանը և Մարտին Վասալը քննարկել են Հայաստանի՝ Բուշ-դյու-Ռոնի հետ երկարամյա արդյունավետ համագործակցության վերաբերյալ հարցեր։ Հատկապես ընդգծվել է Դեպարտամետի կողմից շարունակական աջակցությունը Գորիսի ֆրանս-հայկական սրտաբանական հիվանդանոցին ու Էջմիածնի ֆրանս-հայկական ատամնաբուժական կենտրոնին։ Կարևորելով Հայաստան-Ֆրանսիա տնտեսական համագործակցության ընդլայնումը՝ կողմերն ընդգծել են Մարտին Վասալի՝ 2024 թվականին Հայաստան այցի օրակարգում տնտեսական բաղադրիչի ընդգրկման կարևորությունը, ինչն էական խթան է հանդիսանում երկու երկրների միջև գործարար կապերի ու ներդրումների խրախուսման համար։ Դեսպան Խաչատրյանը բարձր է գնահատել Բուշ-դյու-Ռոն դեպարտամենտի, հանձինս նախագահ Վասալի՝ Հայաստանին վերաբերող հարցերը մշտապես ուշադրության կենտրոնում պահելու և հայ ժողովրդին շարունակական աջակցություն ու համերաշխություն ցուցաբերելու հարցում վճռական հանձնառությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր