Պլեսի-Ռոբինսոնի և Երևանի Արաբկիր վարչական շրջանի միջև բարեկամության հուշագրի ստորագրման 20-ամյա հոբելյանին նվիրված միջոցառում

26 մայիսի, 2025

Մայիսի 24-ին Ֆրանսիայի Պլեսի-Ռոբինսոն քաղաքում տեղի է ունեցել հանդիսավոր միջոցառում նվիրված Պլեսի-Ռոբինսոնի և Երևանի Արաբկիր վարչական շրջանի միջև բարեկամության հուշագրի ստորագրման և Հայաստանի հետ այդ քաղաքի կապերի պաշտոնականացման 20-ամյա հոբելյանին։

Միջոցառմանը բացման ելույթներով են հանդես եկել Պլեսի-Ռոբինսոնի քաղաքապետ Ֆիլիպ Պեմեզեկը, Ֆրանսիայում ՀՀ դեսպանության երրորդ քարտուղար Շիրազ Հովակիմյանը, Արաբկիր վարչական շրջանի ներկայացուցիչ Գայանե Հարությունյանը, Պլեսի-Ռոբինսոնի քաղաքապետի՝ քույրացման հարցերով տեղակալ Կորին Դուգուերը, Պլեսի-Ռոբինսոնի քույրացման հարցերով հանձնաժողովի նախագահ Դանիելա Գույուն։

Ելույթների ավարտին Պլեսի-Ռոբինսոնի քաղաքապետը և Արաբկիր վարչական շրջանի ներկայացուցիչը ստորագրել են համայնքների միջև բարեկամության հուշագրի երկարաձգման վերաբերյալ արձանագրություն։

Միջոցառումը շարունակվել է հայկական երաժշտական և պարային կատարումներով ուղեկցվող գալա ընթրիքով, որին ներկա էին նաև Պլեսի-Ռոբինսոնի և հարակից քաղաքների քաղաքային խորհուրդների անդամներ, մշակութային և հասարակական գործիչներ, ֆրանսահայ համայնքային և կրոնական կառույցների ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր