Տարեսկզբի ընդունելություն Ֆրանսիայում Հայաստանի դեսպանությունում

20 հունվարի, 2014

Հունվարի 20-ին Փարիզում ՀՀ դեսպանության սրահում կայացավ դեսպան Վիգեն Չիտեչյանի 2014թ. ուղերձի ներկայացման ավանդական արարողությունը:

Դեսպան Չիտեչյանն իր ելույթում ներկայացրեց 2013թ. Հայաստանի արտաքին քաղաքականության զարգացումները, ինչպես նաև դեսպանության կողմից կատարված աշխատանքները մի շարք ուղղություններով՝ այդ թվում խոսելով հայ-ֆրանսիական երկկողմ հարաբերություններում, ինչպես նաև ՅՈՒՆԵՍԿՕ-ում և Ֆրանկոֆոնիայի միջազգային կազմակերպության շրջանակներում 2013թ. արձանագրված ձեռքբերումների վերաբերյալ:

ՀՀ դեսպանը, բարձր գնահատելով Ֆրանսիայի հայկական կազմակերպությունների կատարած աշխատանքը նախորդ տարում, ընդգծեց 2014 թվականի կարևորությունը, որպես Հայոց Ցեղասպանության 100-ամյակի նախապատրաստական տարի: Այս առումով՝ դեսպան Չիտեչյանը հատկապես կարևորեց Ֆրանսահայ կազմակերպությունների համակարգող խորհրդի կազմավորած ազգային հանձնաժողովի աշխատանքները՝ ողջունելով հայկական կառույցների նման միասնականությունը և վերահաստատելով դեսպանության կողմից հնարավոր օժանդակություն ցուցաբերելու պատրաստակամությունը:

Միջոցառմանը ներկա գտնվեցին Ֆրանսիայում գործող մի շարք հայկական կազմակերպությունների ղեկավարներ, հոգևորականության և ֆրանսահայ մամուլի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր